काठमाडौं : प्रमुख प्रतिपक्ष दल नेपाली कांग्रेसका प्रवक्ता विश्वप्रकाश शर्माले प्रधानमन्त्री केपी शर्मा ओलीको राष्ट्रवाद सिके राउतको पाउमा पल्टिएको बताएका छन् । कांग्रेसले आइतबार बागलुङ बजारमा गरेको विरोधसभामा प्रवक्ता शर्माले यस्तो बताएका हुन् ।
उनले प्रधानमन्त्री सिके राउतको विखण्डनवादी जालमा फसेर उनीसँग सहमति भएको आरोपसमेत लगाए । शर्माले कम्प्युनिष्ट दर्शन र खोक्रो राष्ट्रवादी भाषणले मात्र देश चल्न नसक्ने भन्दै दुई तिहाईको सरकारले एक वर्ष बितिसक्दासमेत काम गर्ने संकेत दिन नसकेको दाबी गरे ।
सिके राउतको जालमा प्रधानमन्त्री ओली फसेर सम्झौता गर्न बाध्य भएको उनको भनाइ थियो । शर्माले भने, ‘जुन विषयमा जनमतसंग्रह गर्नै सकिँदैन भन्ने संविधानमा उल्लेख छ, त्यसैमा प्रधानमन्त्री लम्पसार पर्नुभयो ।’
प्रकाशित मिति: आइतबार, फागुन २६, २०७५
-1732776560.jpg)
