धादिङ : धादिङकाे गजुरीमा १०५ किलोग्राम चरेससहित तीन जना पक्राउ परेका छन् ।
इलाका प्रहरी कार्यालय गजुरीका प्रहरी निरीक्षक नवराज ढुङ्गेलका अनुसनर काठमाडौंबाट वीरगञ्जतर्फ जान लागेको ना ५ख २८१२ नंको बसमा लुकाइछिपाई लान लागिएको अवस्थामा आइतबार बिहान उक्त परिणामका चरेस बरामद गरिएको हो ।
पक्राउ पर्नेमा बसचालक वीरगञ्ज उपहानगरपालिका–८ का ४५ वर्षीय लालबहादुर साह, बारा जिल्ला कर्मैयामाई गाउँपालिका–७ का ३५ वर्षीय अनिल चौधरी र विन्दबासिनी गाउँपालिका–३ का श्रीराम साह कानु रहेका छन् ।
उनीहरुलाई इलाका प्रहरी कार्यालयको टोलीले गजुरीस्थित पृथ्वीराजमार्गमा जाँचको क्रममा पक्राउ गरेको थियो । यात्रु नभएको बसमा धादिङको पोखरेखोलाबाट सो अवैध प्रतिबन्धित लागुऔषध गाडीमा हालेर ल्याइएको थियो ।
प्रकाशित मिति: आइतबार, फागुन २६, २०७५
-1732776560.jpg)
