कैलाली : धनगढीको मेनरोडस्थित आरम्भ फेन्सी स्टोरका सञ्चालक जगतबहादुर सिंह अपहरणमा परेका छन् ।
सिंहको बुधवार राती अपहरण भएको प्रहरीले जनाएको छ । जिल्ला प्रहरी कार्यालय कैलालीले अपहरणको विषयमा परिवारबाट जानकारी प्राप्त भई उनको खोजीका लागि प्रहरीको विशेष टोली परिचालन गरेको जानकारी दिएको छ ।
अपहरणकारीले सिंहको परिवारसँग १५ लाख रुपैयाँ फिरौती माग गरेको बताइएको छ । भारतीय नम्बरबाट फोन आएकाले सीमा नजिकका भारतीय क्षेत्रमा खोजी कार्यका लागि खटिएको प्रहरीको भनाइ छ ।
प्रकाशित मिति: शुक्रबार, फागुन २४, २०७५
-1732776560.jpg)
