काठमाडौं : नेपाल कम्युनिष्ट पार्टीका अध्यक्ष पुष्पकमल दाहालले नेकपाका नेता भरतमोहन अधिकारी र रवीन्द्र अधिकारीको अभाव पार्टी र देशलाई सँधैँ खड्किरहने बताएका छन् ।
पूर्वउपप्रधान तथा अर्थमन्त्री भरतमोहन अधिकारी र संस्कृति, पर्यटन तथा नागरिक उड्ड्ययनमन्त्री रवीन्द्र अधिकारीसहित गत फागुन १५ मा हेलिकोप्टर दुर्घटनामा परी निधन भएकाहरूको स्मृतिमा आज आयोजित श्रद्धाञ्जलिसभामा अध्यक्ष प्रचण्डले भविष्यमा उनीहरूको अभाव महसुस हुने बताए ।
‘कमरेड भतरमोहन अधिकारी र कमरेड रवीन्द्र अधिकारीको अभाव सधैँ खड्किरहनेछ , उनले भने, अभावमा नेपालको समग्र राजनीतिक आन्दोलनले कति ठूलो क्षति व्यहोरेको छ भन्ने कुरा आगामी दिनमा खुल्दै जानेछ ।’ प्रचण्डले रवीन्द्र अधिकारीको अभाव आउने दिनमा सबैले महसुस गर्दै जाने उल्लेख गर्दै भने, सामान्य योगदानका मानिस थिएनन् रवीन्द्र अधिकारीसहित हेलिकोप्टर दुर्घटनामा दिवंगत भएका योद्धाहरू ।’
.jpg)
अध्यक्ष प्रचण्डले पार्टी, देश र परिवारले शोकलाई शक्तिमा बदल्नुको विकल्प नरहेको पनि बताए । उनले भने, ‘शोकलाई शक्तिमा बदल्नुपर्छ । यो पीडालाई नयाँ ऊर्जामा बदल्नका लागि उहाँहरूको राम्रो कामबाट शिक्षा लिएर पहलकदमी लिनुपर्छ । पीडामा डुबेर उहाँहरूको योगदान खेर जान दिनुहुन्न ।’
उनले रवीन्द्र अधिकारीसहित दुर्घटनामा ज्यान गुमाउनेहरूको मृत्यु पहाडभन्दा पनि गह्रौँ भएको बताए । उनले भने, ‘यो पाहाडभन्दा गह्रौँ मृत्यु हो, जसले लाखौँ करोडौँ मानिसहरूलाई तरंगित र उद्देलित पारेको छ । उनले दिवंगतहरूले गरेका र गर्न चाहेका राम्रा कामहरू अघि बढाउने प्रतिबद्धता व्यक्त गरे ।
प्रकाशित मिति: बिहीबार, फागुन २३, २०७५
-1732776560.jpg)
