काठमाडौं । नेपाल कम्युनिस्ट पार्टी (नेकपा) का नेता भरतमोहन अधिकारीको पार्थिव शरीर अन्तिम श्रद्धाञ्जलि अर्पण गर्न पार्टी केन्द्रीय कार्यालय धुम्बाराहीमा राखिएको छ ।
अधिकारीमाथि श्रदान्जलि व्यक्त गर्न नेकपासहित विभिन्न दलका नेताहरु नेकपा कार्यालय धुम्बाराही पुगेका छन् ।
२०५१ सालमा मनमोहन अधिकारी नेतृत्वको सरकारमा अर्थमन्त्री रहेका अधिकारीले ल्याएका वृद्धभत्ता, आफ्नो गाउँ आफैं बनाऔं जस्ता कार्यक्रमले उनी र तत्कालीन एमालेलाई लोकप्रिय बनायो ।
पूर्वउपप्रधानमन्त्री समेत रहेका अधिकारीलाई दिने श्रद्धाञ्जलिको विषयमा छलफल गर्न मन्त्रिपरिषदको बैठक बोलाइएको छ ।
उनको पार्थिव शरीरलाई आइतबार बिहान धुम्बाराहीस्थित ह्याम्स अस्पतालबाट पार्टी कार्यालय धुम्बाराही ल्याइएको हो । मध्यान्हसम्म अन्तिम श्रदान्जलि अर्पण गरेपछि उनको आजै पशुपति आर्यघाटमा अन्त्यष्टि गरिनेछ ।
प्रकाशित मिति: आइतबार, फागुन १९, २०७५
-1732776560.jpg)
