काठमाडौं : संसदीय सुनुवाइ समितिको मंगलबारको बैठक गणपूरक संख्या नपुगेर स्थगित भएको छ । आइतबारको समिति बैठक पनि कोरम नपुगेकै कारण स्थगित भएको थियो ।
थारू आयोगको अध्यक्षमा सिफारिस विष्णुप्रसाद चौधरी र मधेसी आयोगका अध्यक्षमा सिफारिस विजयकुमार दत्तको सुनुवाइका लागि बोलाइएको बैठक दोस्रो पटक स्थगित भएको हो ।
१५ सदस्यीय सुनुवाइ समितिको मंगलबारको बैठकमा जम्मा ७ जना सांसद उपस्थित थिए । समितिमा नेकपाका मात्रै ९ जना सांसद छन् । कांग्रेसका ४ जना, संघीय समाजवादी फोरम र राजपाका १/१ जना सांसद समितिका सदस्य रहेका छन् ।
प्रकाशित मिति: मंगलबार, फागुन १४, २०७५
-1732776560.jpg)
