काठमाडौं : प्रधानमन्त्री केपी शर्मा ओलीले महाकाली सन्धिअनुसार नेपालले पानी पाउनुपर्ने भन्दै राष्ट्रिय हित नछाड्न निर्देशन दिएका छन् ।
भोलिदेखि काठमाडौंमा सुरु हुने नेपाल र भारतका विज्ञहरूको संयुक्त तेस्रो बैठकको अघिल्लो दिन पञ्चेश्वर बहुउद्देश्यीय आयोजना कार्यान्वयनबारे जल तथा ऊर्जा आयोगको सचिवालयको व्रिफिङमा प्रधानमन्त्री ओलीले नेपाल–भारतस्तरीय छलफलमा देशको हितका पक्षमा खुलेर आफ्ना कुरा रख्न निर्देशन दिएका हुन् ।
२३ वर्षअघि भएको महाकाली सन्धिअनुसार नेपालले चाँदनी-दोधारा क्षेत्रमा पाउनुपर्ने १० घनमिटर प्रति सेकेण्ड (३५० क्यूसेक) पानी हालसम्म नपाएको बताउँदै उनले यस विषयलाई गम्भीरताका साथ उठाउनुपर्ने धारणा राखे ।
‘पहिलो प्राथमिकता सन्धिको कार्यान्वयन हो । सन्धिअनुसार नेपालले १० क्यूमेक्स पानी पाउनुपर्छ,’ प्रधानमन्त्री ओलीले भने, सिरानबाट नहर बग्ने तर हाम्रा खेत बाँझै रहने स्थिति अब हुनुहुँदैन ।’
२०५२ माघ १९ मा भएको महाकाली सन्धिको धारा ४ अनुसार नेपालको चाँदनी-दोधारा क्षेत्रको सिँचाइका लागि भारतले १० घनमिटर प्रति सकेण्ड पानी उपलब्ध गराउनुपर्छ । तर भारतले अहिलेस्म्म यो सम्झौता कार्यान्वयन गरेको छैन ।
प्रकाशित मिति: मंगलबार, फागुन १४, २०७५
-1732776560.jpg)
