काठमाडौं : दरबारमार्ग स्थित डेजाभु क्लबका सञ्चालक पक्राउ परेका छन्।
महानगरीय प्रहरी परिसर काठमाडौंको टोलीले सञ्चालक प्रवेश श्रेष्ठ, प्रतीक श्रेष्ठ र समीप शिलाकारलाई बिहीबार साँझ नियन्त्रणमा लिएको परिसरका डिएसपी होविन्द्र बोगटीले जानकारी दिए । उनीहरू विरुद्ध परिसरमा साढे २ करोड रुपैयाँ ठगी गरेको उजुरी दर्ता भएपछि पक्राउ गरिएको हो।
क्लबका सञ्चालक मनोज श्रेष्ठ विरुद्ध पनि प्रहरीमा केही समय अगाडि उजुरी परेको थियो। श्रेष्ठको विरुद्धमा नेपाल प्रहरीले डिफ्युजन नोटिस समेत जारी गरेको छ। पछिल्लो समय क्लवका संचालक विभिन्न विवादमा पर्दै आएका छन्।
प्रकाशित मिति: शुक्रबार, फागुन १०, २०७५