चितवन : चितवनमा जुवाको खालबाट प्रहरीले २३ जना जुवाडेलाई पक्राउ गरेको छ । सो क्रममा ९ लाख ३३ हजार नगद समेत बरामद गरेको छ ।
भरतपुर महानगरपालिका–११, भोजाडको छिम्केश्वरी टोलबाट बिहीबारराति करिब १२ बजे उनीहरुलाई प्रहरीले पक्राउ गरेको हो ।
सो स्थानमा जुवा खेलाएको सूचना पाएपछि जिल्ला प्रहरी कार्यालय चितवनकी प्रहरी निरीक्षक चिलिमाया तामाङ नेतृत्वको टोली छापा मार्न पुगेको थियो ।
पक्राउ पर्नेहरु चितवन, गोरखा र तनहुँका छन् । उनीहरुलाई जुवा ऐनअनुसार कारबाही गरिने प्रहरीले जानकारी दिएको छ ।
प्रकाशित मिति: शुक्रबार, फागुन ३, २०७५
