काठमाडौँ । उच्च अदालत पाटनले अनधिकृत रुपमा घोषणा गरिएको गोर्खाज फाइनान्सको साधारणसभा रोक्न आदेश जारी गरेको छ । सेयर माफिया दिपेन्द्र अग्रवालको योजनामा डिबी बम्जन, इन्द्र बानियाँ सहितका व्यक्तिहरुको मिलेमतोमा फाइनान्सको साधारणसभा एकपक्षीय रुपमा भदौ २३ गतेका लागि साधारणसभाको आयोजना गरिएको थियो । एकतर्फी रुपमा अनधिकृत रुपमा साधारणसभा आयोजना गरि फाइनान्स कब्जाको षड्यन्त्र भएको भन्दै अधिकांश सेयर सदस्यहरू साधारणसभा रोकिपाउँ भन्दै उच्च अदालत पाटन पुगेका थिए ।
सेयर धनिहरूको उम्मेदवार हुन पाउने अधिकारमा क्षति पुग्ने भन्दै अदालतले तत्काल साधारण सभाका सबै प्रक्रिया रद्ध गर्न आदेश दिएको हो । कम्तीमा सात दिनअघि देखि साधारणसभा हुने सूचना प्रकाशन गरेर मात्रै साधारणसभा बोलाउन सकिने अदालतको आदेशमा उल्लेख गरिएको छ । जबकी यतिबेला ती कुनै पनि मापदण्ड र प्रक्रिया पुरा नगरी एकतर्फी रुपमा यो साधारणसभा आयोजना गरिएको थियो । न्यायाधिशद्धयडा.खुशीथारु र नारायणप्रसाद पौडेलको सयुक्त इजलासले यो आदेश दिएको हो ।
सेयर सदस्यहरूका तर्फबाट साधारणसभा रोक्न आन्तरिक आदेशको माग गर्दै रिट दायर गर्ने अधिवक्ता राजेशकुमार बटालाले बहस गरेका थिए । अदालतको यो आदेशसँगै यसअघि पब्लिक सेयर धनिहरुका तर्फबाट भन्दै एकलौटी रुपमा निर्विरोध चयन भएका भनिएका सञ्चालक सदस्यहरू स्वतः अवैधानिक भएका छन् । यो सँगै तत्कालका लागि सेयर माफिया अग्रवाल र उनको टिमले फाइनान्स कब्जा गर्न गरेको षड्यन्त्र पनि बिफल भएको छ ।
प्रकाशित मिति: बुधबार, भदौ २३, २०७८
-1732776560.jpg)
