काठमाडौँ । शेरबहादुरदेउवा प्रधानमन्त्रीको रुपमा कार्यभार सम्हालेपछि उनलाई आफ्नो पार्टीका नेता कार्यकर्ताले भेटेर बधाई दिए । कार्यालयमा कर्मचारीहरूले बधाई दिए । तर देउवालाई बधाई दिनेहरूले एक्लै भेट्न कमै र विशेषव्यक्तिहरूले मात्रै पाएका हुन्छन् । तर यहाँ प्रधानमन्त्रीशेरबहादुर देउवासँग एक्लै सेल्फी लिइरहेका व्यक्ति भने न कुनै कांग्रेसका नेता हुन न अरु कुनै राज्यको महत्वपूर्ण व्यक्ति । उनी त बित्तीय माफियाको रुपमा परिचित पात्र दिपेन्द्र अग्रवाल हुन् । जसले प्रधानमन्त्रीको सुरक्षा घेरा सहजै तोड्दै सेल्फी खिचे ।
यहाँ बुझ्नुपर्ने अर्को महत्वपूर्ण कुरा के छ भने देशको प्रधानमन्त्रीसँग देशको कुनैपनि नागरिकले भेट्न सक्छ, फोटो खिच्न सक्छ । यसलाई सामान्य रुपमै लिन पनि सकिन्छ । तर यहाँ सेल्फी लिइरहेका दिपेन्द्र अग्रवाल चाहिँ यस्तै शक्तिकेन्द्रका व्यक्तिहरूसँग फोटो खिचेर बित्तीय क्षेत्रमा तिनै फोटोको सहारामा आफ्नो ध्वाँस देखाउने पात्र हुन् । जो यतिबेला भने भूतवूर्व गोर्खा समुदायका अगुवाहरूले स्थापना गरेको गोर्खाज फाइनान्स समाप्त गर्ने खेलमा लागिरहेका छन् र षडयन्त्रमा यस्तै शक्तिकेन्द्रको पहुँच देखाउदै स्टेप बाइ स्टेप सफल पनि भइरहेका छन् । यो देश यस्तै लुट मच्चाउनेहरुका लागि उर्वर भूमि हो र मेहनत गर्नेहरूका लागि होइन भन्ने उनीजस्ता माफियाहरूको चमकधमकले प्रष्ट गर्दै गइरहेको छ । उनी एकपछि अर्को षड्यन्त्रपूर्ण खेलमा सफल हुँदै गइरहेका पनि छन् । सोमबार कारोबारकाहिसाबमा निकै पुछारमा रहेको गोर्खाज फाइनान्स सेयर मूल्यमा भने सर्किट हान्न सफल भयो । तर यो कुनै कृत्रिम सक्रिट भने हुँदै होइन । यो त केवल दिपेन्द्र अग्रवाल र उनको योजनामा संलग्नहरूको आन्तरिक चलखेलबाट मात्रै यसको सेयरमा उछाल आएको हो ।
आफूपहुँचवालाहरूको शक्तिको सारथी रहेको देखाउन यस्ता हाई प्रोफाइलसँग फाटो खिचाउने र त्यसको दुरुपयोग गर्ने गरेका छन् । उनी यसो किन गरिरहेका छन भन्ने कुरा उनले बित्तीय क्षेत्रमा मच्चाइरहेको माफियाकरणले प्रष्ट गर्छ । उनी आफ्नो व्यवसाय र माफियाकरण वृद्धिमा उपयोग हुने शक्तिकेन्द्रसँग लसपस रहेको देखाउन फोटोहरूखिच्छन् र त्यो आफ्नो फेसबुकमा पोष्ट गर्छन । उनले यतिबेला प्रधानमन्त्रीशेरबहादुर देउवासँग मात्रै होइन अर्थमन्त्री तथा माओवादी नेता जनार्दन शर्मासँग पनि फोटो खिचेर फेसबुकमा हालेका छन् । यी दुवै पात्रहरूसँगको निकटता प्रस्तुत गर्दै उनी आफ्नो माफियागिरी फस्टाइरहेका छन् । उनले ति दुवै पात्रहरुसँगको सम्बन्ध देखाउदै आफ्नो व्यवसायमा दुरुपयोग गरिरहेका हुन्छन् । यो सबै यतिबेला उनले कृत्रिम रुपमा गोर्खाज फाइनान्सको सेयर बृद्धि गरिहेका छन् ।
सेयर होल्ड गरेर सेयरको मुल्य बृद्धि गर्ने र सर्वसाधारणलाई बिक्रि गरेर जनतालाई डुबाउने खेल उनको छ । यतिमात्रै होइन सोही पब्लीक सेयरको आधारमा फाइनान्सलाई पनि आफ्नो कब्जामा लिने उनको योजना छ र आज सम्म उनको यो सबै माफियाकरणमा बिभिन्न व्यक्तिहरूले सहयोग गरिरहेका छन् । कांग्रेस नेता तथा बाग्मति प्रदेशका सांसद इन्द्र बानियाँ र गोर्खा विकास बैँकलाई डामाडोल पार्ने डिबी बम्जन अग्रवालको षडयन्त्रमा साथ दिइरहेका छन् । प्रष्ट छ, उनले आफ्ना सबै षडयन्त्र सफल गरे र गोर्खाज फाइनान्सलाई कब्जा गरे हिजो गार्खा बिकास बैँक समाप्त भएझै फाइनान्स पनि समाप्तीको बाटोमा जानेछ । किनकि यो सबै त्यहि गर्न षडयन्त्र भइरहेका छ । त्यस घटनाले बिदेशमा गरेको संघर्ष मातृभूमिमै लगानी गरौ भन्ने गोर्खाहरुको पबित्र उदेश्यलाई गम्भीर ठेस लाग्नेछ ।
प्रकाशित मिति: सोमबार, भदौ २१, २०७८
-1732776560.jpg)
