काठमाडौँ । पशुपतिनाथ मन्दिर भदौ २५ गतेदेखि खुला गर्ने तयारी भएको छ ।
कोरोना सङ्क्रमणका कारण लागू भएको निषेधाज्ञाले बन्द हुन पुगेको पशुपति गुह्येश्वरी लगायतका मन्दिर भक्तजनका लागि खुला गर्ने तयारी गरिएको छ ।
पशुपति क्षेत्र विकास कोषका कार्यकारी निर्देशक डा. घनश्याम खतिवडाका अनुसार भदौ २५ गतेदेखि नाथ र गुह्येश्वरी मन्दिर खुला गर्ने विषयमा आवश्यक तयारीका लागि कोषले सम्बद्ध सरोकारवालासँग परामर्शका लागि बोलाएको छ ।
वैशाख १६ गतेदेखि पाँच महिना बढी यी मन्दिर नित्य पूजाका लागि बाहेक सर्वसाधारणका लागि बन्द गरिएको थियो ।
प्रकाशित मिति: शुक्रबार, भदौ १८, २०७८
-1732776560.jpg)
