काठमाडौँ । ब्रिटिस सेनामा आफ्नो पसिना बगाई नेपाल फर्किएका नेपाली समुदायका भूतपूर्व गोर्खा सैनिकहरुले आफुले कमाएको श्रोतबाट मातृभूमिमै केही गर्न खोजे । छरिएर रहेको उनीहरुको पुँजी संकलन गरि देशभित्र यसअघि देखिनै बिभिन्न क्षेत्रमा लगानी भइरहेको छ । बिदेशमा खुन पसिना बगाए बापत कमाएको रकम आफ्नै मातृभूमिको श्रृवृद्धिमा लगाउने पवित्र चाहाना सहित सुरु भएको भूतपूर्व गोर्खाहरुको व्यवसायले बिभिन्न क्षेत्रमा उडान भरिरहेको पनि छ । तर उनीहरुको सम्पति माथि खास-खास स्वार्थी समूहको गिद्धे नजर पर्दा बिभिन्न ठाउँमा गरिएको लगानी धरासायी पनि भएको छ ।
यस्तै गोर्खा समुदायको लगानीमा सञ्चालन गरिएको र सुरुका दिनहरुमा निकै सफल पनि भएको गोर्खा विकास बैँक धरासायी भयो । केही खास स्वार्थी समूहले तत्कालिन बैँकको सम्पती हडप्ने खेल खेलेपछि त्यो बैँक समस्याग्रस्त बन्यो । ख बर्गको त्यो विकास बैँक समस्याग्रस्त बनेपछि राष्ट्रबैँकले त्यसलाई खबाट घटुवा गरेर फाइनान्सको रुपमा चलाउन अनुमति दियो । ख बर्गको बिकास बैँक बाट ग बर्गको फाइनान्स कम्पनीमा घटुवा भएपछि यसको नाम गोर्खाज फाइनान्स रह्यो । गोर्खाज अर्थात भूतपूर्व गोर्खा समुदायको लगानी भएको फाइनान्सीङ संस्था ।
बिडम्बना के भने अरुको सम्पती जालसाची गरि दुनियालाई मुर्ख बनाएर आफु कमाउन पल्किएका केही स्वार्थी समुहहरु हाम्रो देशमा यत्रतत्र रहेका छन् । जुन समस्या हिजो गोर्खा विकास बैँकले भोगेको थियो । नियतीले गोर्खाज फाइनान्सको हविगत पनि त्यस्तै बनाउन खोजिएको छ । दिपेन्द्र अग्रवाल नामका एकजना नटवरलालको गिद्धेदृष्टी यस फाइनान्समा परेपछि यो फाइनान्सले पनि हिजोकै गोर्खा विकास बैँकको नियती भोग्नुपर्ने अवस्था आइपुगेको छ । सोझा र इमान्दार समुदायको रुपमा छवि बनाएका भूतवूर्व गोर्खा समुदायको लगानीको बिल्लीबाठ बनाउने काममा स्वंय यसअघि गोर्खा विकास बैँकको बिल्लीबाठ बनाएका डिवी बम्जन र अर्का एक नयाँ नटवरलाल दिपेन्द्र अग्रवाल आइपुगेका छन् ।
बम्जन तिनै हुन जो आफै पूर्व गार्खा सैनिक भएपनि अन्य व्यापारीसँग मिलेर आफ्नै पूर्व गोर्खा सैनिकहरुको बिल्लीबाठ बनाउन उद्धत रहेका छन् । यसअघि गोर्खा बिकास बैँक डुवाउने अभियानमा लागेका बम्जन स्वंयले बैंकिक कसुर बमोजिम लामो जेलयात्रा गरेर फर्किएका छन् भने समुदायका कैयन व्यक्तिलाई करोडपति बाट रोडपति बनाउने काम समेत गरेका छन् । स्मरणयोग्य त के छ भने त्यतिबेला गोर्खा बिकास बैँक धरासायी बनाउन उनले अर्को एकजना मारवाडी समुदायका व्यक्तिको सहयोग लिएका थिए भने यतिबेला गोर्खाज फाइनान्स धारासायी बनाउन नयाँ मारवाडी दिपेन्द्र अग्रवाललाई अघि सारेका छन् । बम्जन यतिबेला आफु पर्दा पछाडी रहेर आफ्नो छोरा बृष्ठान्त बम्जनलाई सिनमा देखाइरहेका छन् । फाइनान्सलाई सडकमा ल्याउन लागि परेका मुख्य योजनाकारका रुपमा चाहीँ दिपेन्द्र अग्रवाल देखिएका छन् । जो एकबर्ष अघि मात्रै यस फाइनान्समा प्रवेश गरेका हुन् ।
यस्तो छ दिपेन्द्र अग्रवालको योजना
गोर्खाज फाइनान्सका प्रमुख कार्यकारी अधिकृत रहेका लाल बहादुर थिङ र डेपुटि प्रमुख कार्यकारी अधिकृत सन्तोष कुमार घिमिरेको सहयोगमा दिपेन्द्र अग्रवालले बजारमा रहेको सत्तरी प्रतिशत भन्दा बढि सस्तो सस्तो मुल्यमा खरिद गरि कर्नरिङ गरेर राखेका छन् । लाल बहादुर थिङ जो डिवी बम्जनका नजिकका व्यक्ति हुन भने घिमिरे चाहीँ अग्रवालको तर्फबाट जागिर खाइरहेका व्यक्ति । कार्यकारी र उपकार्यकारी दुवैको मिलेमतोमा अग्रवालले एक सय देखि दुइ सयको दरमा प्रति कित्ता सेयर बजारबाट उठाएका छन् । जम्मा पब्लिक सेयर रहेको ३६ लाख कित्ता सेयर मध्ये दिपेन्द्र अग्रवाल र उनको परिवारको नाममा मात्रै करिब १९ लाख कित्ता सेयर रहेको छ । आफुले जम्मा गरिराखेको त्यो सेयर उनले कर्नरिङ गरेर राखेका छन् । एक सय देखि दुइ सय रुपैयामा उठाएको सो फाइनान्सको सेयर केहि दिन अघि १५ सयको हाराहारी पुगेको थियो भने आज मात्रै पनि यो सेयर प्रति कित्ता १२ सय ७० सम्म पुर्याइएको थियो । दिपेन्द्र अग्रवालले यो सबै सेयर कृतिम रुपमा बढाइरहेका छन् । फेक इपिस रिपोर्ट बुझाउदै कृतिम रुपमा यसको सेयर बढाएर अग्रवाल एक तिरबाट दुइवटा सिकार गर्ने योजनामा लागिरहेका छन् ।
अग्रवालको योजना एकातिर सेयरको कृतिम मुल्य बृद्धि गरेर फेरि १५ सयको हाराहारीमा पुर्याउदै जम्मै सेयर पब्लिकलाई बेच्न चाहान्छन भने अर्कोतिर बहुमत पब्लिक सेयरको प्रतितिनिधत्व गर्दै ७ जना सञ्चालक मध्ये पब्लिक सेयरबाट जाने सबै ३ जना आफ्नै सहयोगी पठाउन चाहान्छन् । एकातिर कृतिम सेयरको मुल्य बढाएर आम सर्बसाधारणलाई बेकुब बनाउदै एकै झट्कामा करिब २ सय पचास करोड लुट्न खोजिरहेका छन भने अर्कोतर्फ फाइनान्समा समेत आफ्नो सम्पुर्ण नियन्त्रण गरि त्यसलाई आफु अनुकुल डोहोरयाउन चाहान्छन् । त्यसका लागि उनले संस्थापक मध्येबाट डिवी बम्जनका छोरालाई एउटा सञ्चालक नियुक्त गर्ने आश्वासन दिएर उनलाई पनि हातमा लिइसकेका छन् । यसो भयो भने संस्थामा ४ जना सञ्चालक अग्रवालकै पक्षको हुने र बहुमतका आधारमा अर्को एकजना स्वतन्त्र या बिज्ञका रुपमा नियुक्त गर्ने सदस्य पनि आफ्नै उनले आफैले आफ्नो मान्छे नियुक्त गर्नेछन् । यसरी जम्मा सञ्चालक रहने ७ जना मध्ये ५ जनानै आफ्नो पक्षका सञ्चालक नियुक्त गर्दै फाइनान्सलाई कब्जा गर्ने उनको योजना रहेको छ ।
कसरी बेकुब बनाउदैछन पब्लिकलाई अग्रवालले ?
सामान्यतया कुनैपनि कम्पनीको सेयर घटवढ हुनुमा उसको गुडविलले काम गरिरहेको हुन्छ । कम्पनीले बार्षिक बोनस कति बाडिरहेको छ अनि डेभिडियन्ट कति दिइरहेको छ मात्रै होइन उसको इपिएस र पि रेसियो कस्तो छ भन्ने आधारमा मात्रै सेयरको घटबढ हुनुपर्ने हो । यसमा आम सर्बसाधारणले जान्नुपर्ने कुरा के छ भने यस कम्पनीको इपिएस रिपोर्ट २३ मात्रै छ । फेक कसरी भने पाकेको तर नउठेको व्याँजलाई पनि उनिहरुले नाफा मानेर इपिएस रिपोर्ट बनाएका छन् । अर्कोतर्फ यसको पिइ रेसियो ५४ छ । अब यहाँनिर सर्बसाधारणले जान्नैपर्ने बिषय के हो भने यस फाइनान्सले स्थापनाकाल देखि आज सम्म एक रुपैया पनि न बोनस दिएको छ न डेभिडियन्टनै उपलब्ध गराएको छ । त्यतिमात्रै होइन यसको व्यालेन्सीट पनि राम्रो छैन ।
अझ ध्यान दिनुपर्ने कुरा के छ भने आजको दिनमा मजबुत मानिएका कर्मसियल बैँकहरुको सेयर मुल्य ५ सयको हाराहारीमा मात्रै छ जसले हरेक बर्ष बोनस र डिभिडियन्ट दिइरहेका छन् । जसमध्ये नविलको आजको दिनमा १४ सयको हाराहारीमा सेयर मुल्य छ भने बाकि प्रायजसो बैँकहरुको ५ सयको हाराहारीमा मात्रै रहेको छ । यही बाट बुझ्न सकिन्छ कि यहाँ के खेल भइरहेको छ भनेर । त्यति मजबुत कर्मसियल बैँकहरु जसले डभिडियन्ट दिइरहेका छन बोनस बाडिरहेका छन उनिहरुको ५ सय मात्रै पुगिरहेको छ भने यो जेरो पैसा पनि बोनस र डिभिडियन्ट नदिने फाइनान्सको चाहीँ बिहिबार मात्रै पनि करिब १३ सयको हाराहारी पुगेको छ । कारोवार रेसियोको हिसावमा पुछारमा रहेको यो कम्पनीको सेयर मुल्य किन बढिरहेको छ भन्ने कुरा बुझ्नका लागि दिपेन्द्र अग्रवाल नामका व्यक्तिले बुनिरहेको योजनाले काम गरिरहेको छ । उनकै परिवारको नियन्त्रणमा रहेको १९ लाख कित्ता सेयर मध्येबाटै यहाँ आन्तरिक किनबेचको नाटक गर्दै कृतिम रुपमा यसको सेयर मुल्य बढाइएको छ । किनभने ३६ लाख मध्ये १९ लाख कित्ता सेयर त उनै अग्रवालको परिवारको नियन्त्रणमा रहेको छ । उनीहरुकै भित्र यो सेयर खरिद गर्ने बिक्रि गर्ने काम भइरहेको छ । अब उनले आफ्नो १९ लाख कित्ता सेयरका आधारमा साधारण सभा मार्फत बोर्डमा आफ्ना तिनजना सञ्चालक पठाउनेछन् र बोर्डमा आफ्ना मान्छे पठाएलगत्तै फेरि कृतिम रुपमा सेयर बढाएर त्यो सेयर सबै बेच्नेछन् । आफुले नेपाली सर्बसाधारणलाई बेकुब बनाउदै कृतिम रुपमा बढाएको सेयर बिक्रि गरि २ सय ५० करोड भन्दा बढि कमाएर बाहिरिने र बोर्डमा यहि सेयरका आधारमा आफ्ना मानिस पठाएर फाइनान्सलाई कब्जा गर्ने उनको योजना रहेको छ ।
सेयर लगानीमा आफ्नो भविस्य खोजिरहेका आम नेपाली सर्बसाधारणले बुझ्नुपर्ने के छ भने कुनैपनि प्रकृतिक रुपमा बढाउन नमिल्ने यो सेयर अहिले सबै उनले मात्रै होल्ड गरिराखेका कारण आफ्नो तरिकाले बढाउने र घटाउने काम गरिरहेका छन् । यो कुनैपनि हिसावले मिल्ने काम होइन । सबै आफ्नो होल्डमा राखेका कारण आफ्नै परिवार भित्र खरिद बिक्रिको नाटक गरेर यसको कृतिम मुल्य बृद्धि भइरहेको छ । यसो कसरी हुन्छ भन्दा यतिबेला उनिहरुले बोक्ररको कमिसन मात्रै दिइरहेका छन बाकि सबै खाली खरिद बिक्रिको नाटक मात्रै गरिरहेका छन् । जव उनले सर्बसाधारण समक्ष यो सेयर इस्यु गर्छन उनले आफनो योजना अनुसार नाफा खाएर बिक्रि गरिसक्ने बितिकै यो सेयरको मुल्य १५ सय बाट घटेर फेरि २ सयमा झर्नेछन । त्यस्तो बेला समस्यामा पर्नेछन सर्बसाधारण नेपाली जनताले जसले उनको गोर्खाज फाइनान्सको सेयर खरिद गर्नेछन । नाफा कमाउने लोभमा त्यसरी सर्बसाधारणलाई डुवाउने र आफु अर्बौ लुट्ने योजना अग्रवालको रहेको छ ।
अग्रवालले एकातिर आफैमा किनबेचको नाटक गरेर अहिलेपनि सेयरको मुल्य बढाइरहेको छन भने अर्कोतिर यसको मुल्य २ हजार सम्म पुग्ने फेक हल्ला चलाइरहेका छन् । एकातिर जसरी पनि सर्बसाधारणलाई डुवाउने योजना उनले बनाइरहेका छन भने अर्कोतिर यही सेयरको बलमा सञ्चालक समितिमा पनि आफ्नो बहुमत पुर्याएर फाइनान्स पनि कब्जा गर्ने उनको योजना रहेको छ । यसबिच फाइनान्सलाई धरासायी बनाउन अग्रवाल, प्रमुख कार्यकारी र डेपुटी कार्यकारी देखि अन्य कैयन शक्तिकेन्द्रहरुको मिलेमतोमा बैकिंक कसुर देखि अनेकन आर्थिक अपराध गरिएको छ ।
प्रकाशित मिति: बिहीबार, भदौ १७, २०७८
-1732776560.jpg)
