काठमाडौँ । पछिल्लो २४ घण्टामा देशभर थप २०७५ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७७०३ पीसीआर परीक्षणमा १४२४ र ५३७२ एन्टिजेन परीक्षणमा ६५१ जना गरी २०७५ जनामा संक्रमण पुष्टि भएको हो ।
पछिल्लो २४ घण्टामा २३८२ जना संक्रमणमुक्त भएका छन् । शनिबार संक्रमणमुक्त २३८२ सहित हालसम्म नेपालमा कोरोना संक्रमणमुक्त हुनेको संख्या ६ लाख ९५ हजार ९२५ जना पुगेको छ । नेपालमा निको हुने दर ९३।३ प्रतिशत रहेको छ ।
त्यस्तै शनिबार कोरोना भाइरस संक्रमणबाट थप ३० जनाको मृत्यु भएको छ । योसँगै नेपालमा हालसम्म १० हजार ४८५ जनाले कोभिड–१९ को सङ्क्रमणबाट ज्यान गुमाइसकेका छन् ।
प्रकाशित मिति: शनिबार, भदौ ५, २०७८
-1732776560.jpg)
