काठमाडौँ । काठमाडौँ उपत्यकामा जारी निषेधाज्ञा आगामी भदौ ८ गते सम्म लम्ब्याइएको छ । आज (मंगलबार) बसेको उपत्यकाभित्रका तीन वटै जिल्लाका प्रमुख जिल्ला अधिकारी (सीडीओ) को बैठकले भदौ ८ गते सम्म निषेधाज्ञा जारी राख्ने निर्णय गरेको हो ।
थपिएको निषेधाज्ञाको समयमा राति ८ बजेपछि सवारीलाई रोक लगाउने निर्णय गरेको छ । बिहीबारबाट लागू हुने गरी निषेधाज्ञा थप गर्दै प्रशासनले बेलुकी ८ बजेपछि सार्वजनिक तथा निजी सवारीसाधन सञ्चालनमा रोक लगाएको हो ।
काठमाडौँका प्रमुख जिल्ला अधिकारी कालिप्रसाद पराजुलीका अनुसार कोभिड–१९ भाइरसको संक्रमण बढ्दै जाँदा रात्रिकालीन समयमा हुने सवारीसाधनको आवतजावतमा कडाइ गरिएको हो । अत्यावश्यक सवारीसाधन चाहिँ जतिसुकै वेला चल्न पाउने उनले बताए ।
प्रकाशित मिति: मंगलबार, साउन २६, २०७८
-1732776560.jpg)
