काठमाडौँ । माध्यमिक शिक्षा परीक्षा (एसईई)को परीक्षा साउन २५ गतेभित्र सार्वजनिक हुने भएको छ ।
विद्यार्थीको प्राप्ताङ्क अन्तिम रुजु भइरहेकोले कार्यालयको सर्भर र प्राविधिक समस्या नआए ढिलोमा साउन २५ गतेभित्र नतिजा सार्वजनिक गर्ने तयारी रहेको राष्ट्रिय परीक्षा बोर्डले जानकारी दिएको छ ।
कोरोना भाइरस सङ्क्रमणका कारण सरकारले २०७७ मा कक्षा १० का विद्यार्थीको एसईईको अन्तिम मूल्याङ्कन गर्ने जिम्मेवारी सम्बन्धित विद्यालयलाई नै दिएको थियो ।
विद्यालयहरूलाई असार २० गतेभित्र आन्तरिक मूल्याङ्कन गरी जिल्ला समन्वय एकाइमा पठाउन समय दिइएको थियो । जिल्लाबाट आएको विद्यार्थीको प्राप्ताङ्क अन्तिम रुजु गरी नतिजा प्रकाशनको गृहकार्यमा बोर्ड जुटेको छ ।यसअघि २०७६ को एसईई परीक्षाको मूल्याङ्कन गर्ने जिम्मेवारी पनि विद्यालयलाई नै दिइएको थियो ।
प्रकाशित मिति: शनिबार, साउन २३, २०७८
-1732776560.jpg)
