काठमाडौं : प्रधानमन्त्री केपी शर्मा ओलीले अब नेपालमा प्रतिगमन संभव नभएको बताएका छन् । आज प्रतिनिधिसभालाई संबोधन गर्दै उनले यस्तो बताएका हुन् ।
उनले देश संघीय गणतन्त्रमा प्रवेश गरिसकेको भन्दै अब राजतन्त्र भनेर भनिरहनु आवश्यक नभएको पनि उल्लेख गरे ।
विप्लव नेतृत्वको नेकपाका गतिविधिबारे संकेत गर्दै ओलीले कतै दर्ता नभएको, ठेगाना नभएको समूह चन्दा उठाउँदै, आपराधिक क्रियाकलाप गर्दै आएको भन्दै उक्त विध्वंसात्मक समूहलाई सरकारले नियन्त्रण गरेको दाबी गरे ।
उनले विप्लवमाथिको नियन्त्रण लोकतान्त्रिक भएन भन्दै कतिपयको टाउको दुखेको पनि बताए । विध्वंशलाई रोक्दा कहाँ लोकतन्त्र खतरामा पर्यो भन्दै उनले प्रश्न पनि गरे ।
महाभारतका कृष्णको सन्दर्भ जोड्दै ओलीले केही भन्दा नसम्झिएपछि कृष्णले सुदर्शन चक्र प्रयोग गर्नुपरेको भन्दै विप्लवलाई पनि सम्झाउँदा, अनुरोध गर्दा नमानेपछि नियन्त्रणका लागि राज्यले एक्सन लिनुपरेको प्रष्ट पारे ।
प्रकाशित मिति: आइतबार, चैत १०, २०७५
-1732776560.jpg)
