काठमाडौं : नेपाल मजदुर किसान पार्टीका सांसद प्रेम सुवालले तीनै तहका अदालत माफियाको घेरामा रहेको बताएका छन् । कानुन,न्याय तथा संसदीय मामला मन्त्री भानुभक्त ढकालले मुलुकी संहितासम्बन्धि केही नेपाल ऐनलाई संशोधन गर्ने विधेयक पेश गरेलगत्तै प्रतिनिधिसभा बैठकमा सांसद सुवालले यस्तो बताएका हुन् ।
‘३ तहकै अदालत माफियाको घेरामा छ । मुद्धा कुन बेञ्चमा राख्ने, कस्तो फैसला हुन्छ त्यो सबै कुरा माफियाको कब्जामा छ ,’ सांसद सुवालले भने, ‘ न्यायालय स्वतन्त्र छ भनेर हामी भन्छौं र तर वास्तवमा व्यवहारमा छैन । त्यसकारण यस्ता दफाहरु राखौं विधेयकमा कि न्यायलयलाई माफियाबाट मुक्त गर्न सकौं । ’
त्यस्तै उनले वडा अध्यक्ष र सदस्य नभएमा २ जना सर्वसाधारण राखेर सर्जमिन गर्न सकिने व्यवस्थामा पनि आपत्ती जनाए । सो दफाले जनप्रतिनिधिको अपमान भएको बताउका उनले त्यस्ता दफाहरु संशोधन होस् भनेर आफुहरुले राखेको प्रस्तावअनुसार संशोधन हुन नसकेको उनले बताए ।
प्रकाशित मिति: आइतबार, चैत १०, २०७५
-1732776560.jpg)
