काठमाडौं : नेपाल विद्यार्थी संघको नयाँ कार्यसमिति ३२ वर्षमुनिको ल्याउन माग गर्दै कांग्रेस केन्द्रीय कार्यालय सानेपामा नेविसंघका कार्यकर्ताहरु धर्नामा बसेका छन् । कांग्रेस केन्द्रिय समिति बैठक बस्ने थाहा पाएपछि उनीहरु शिर्ष नेतृत्वलाई दबाब दिन धर्नामा बसेका हुन् ।
‘हामी शान्तिपुर्ण धर्नामा नेपाली कांग्रेस पार्टी कार्यालय सानेपामा छौँ ,’ संघका पूर्व केन्द्रीय सदस्य सुशील भट्टले भने, ‘ तत्काल ३२ बर्ष मुनिको नेबि संघ केन्द्रिय समिती ल्याउनुपर्ने हाम्रो माग हो ।’ पटक पटक म्याद थप्दा पनि महाधिवेशन गर्न नसकेपछि तत्कालिन सभापति नैनसिंह महरले राजीनानमा दिएपछि नेविसंघ हाल नेतृत्वविहिन छ । नेविसंघको १२औं महाधिवेशनबाट संघमा ३२ वर्षसम्मकाले मात्र नेतृत्वमा जान पाउने व्यवस्था विधानमा छ ।
तर, ३२ वर्ष माथिका नेताहरुले अब आउने समिति तदर्थ हुने भन्दै सो व्यवस्था आकर्षित नहुने बताउँदै आएका छन् । जसकारण ३२ मुनि कि माथी भन्नेमा कांग्रेस नेतृत्वबिचनै तिव्र मतभेद छ । केही समय पहिले ३२ मुनि र माथी नयाँ समिति माग गर्नेहरुबिच सानेपामै झडप भएको थियो ।
प्रकाशित मिति: सोमबार, चैत ४, २०७५
-1732776560.jpg)
