लहान । विगत एक सातादेखि बेपत्ता भएका सप्तरीको खडक नगरपालिका–१ सिस्वाबेल्हीका एक वृद्धको अवस्था अझै अज्ञात छ ।
गाउँमै नर्सरी व्यवसायी सञ्चालन गर्दै आएका स्थानीय ७० वर्षीय लवटोलिया नर्सरीवाला भनेर चिनिने अगहनु साह गत शनिबार रातिदेखि बेपत्ता भएका हुन् । सामान्य मानसिक सन्तुलन बिग्रिएका साह छठपर्वको राति अचानक घरबाटै बेपत्ता भएको उनका छोरा दुनालाल साहले जानकारी दिए ।
बेपत्ता भएको भोलिपल्टैबाट बुबालाई खोजी गरे पनि हालसम्म फेला नपरेकाले खोजतलासका लागि प्रहरीमा समेत खबर गरिएको दुनालालको भनाइ छ ।
आफ्ना, आफन्तदेखि छरछिमेक गाउँमा समेत खोजी गर्यौँ तर अहिलेसम्म बुबा फेला पर्नुभएको छैन , दुनालालले भने, बुबाको फोटोसहितको पर्चा छपाएर सहर बजारमा समेत खोजी गरिरहेका छौँ ।
प्रकाशित मिति: शुक्रबार, कात्तिक २२, २०७६ ०८:०७
