अर्घाखाँची । सन्धिखर्कको नरपानीमा कार दुर्घटना हुँदा ३ जनाको मृत्यु भएको छ । गोरुसिङ्गे-सन्धिखर्क सडकखण्डको नरपानीमा बुधबार बिहान ९ बजेतिर बा १७ च ६९१७ नम्बरको कार दुर्घटना हुँदा ३ जनाको मृत्यु भएको स्थानीय प्रकाश महत्राले जानकारी दिए ।
रुपन्देहीको सैनामैनाबाट सन्धिखर्क आउँदै गरेकाे कार दुर्घटनामा अन्य २ जना घाइते भएका छन् ।
घटनामा २ पुरुष १ जना महिलाको मृत्यु भएको र उनीहरुको पहिचान हुन बाँकी रहेकाे प्रहरीले जनाएकाे छ । घाइतेलाई उपचारका लागि प्राथमिक स्वास्थ्य केन्द्र पठाइएको जिल्ला प्रहरी कार्यालयका प्रहरी नायब उपरीक्षक प्रकाश बिष्टले बताए ।
घटनास्थलमा पुगेका एक प्रहरी अधिकारीका अनुसार कार अनियन्त्रित भइ सडकदेखि करीब सय मिटर तल खसेको छ । प्रहरी र स्थानीयको सहयोगमा घाइतेहरुको उद्धार गरिएको हो।
प्रकाशित मिति: बुधबार, कात्तिक २०, २०७६ ०५:२७
