काठमाडौं । प्रमुख प्रतिपक्षी दल नेपाली कांग्रेसले आइतबारको प्रतिनिधिसभाको बैठक पनि अवरोध गरेको छ ।
सभामुख अग्नि सापकोटाले बैठक सुरु गर्नेबित्तिकै नेपाली कांग्रेसका सांसदहरु आफ्नो सिटबाट उठेपछि संसद अवरुद्ध भएको हो ।
सभामुख सापकोटाले संसद बैठक चल्न दिएर छलफलको वातावरण बताउन गरेको आग्रह कांग्रेसले अस्वीकार गरेपछि बैठक चल्न सकेन । सभामुखले आगामी २८ गते दिउसो १ बजे बस्ने गरि आइतबारको बैठक अन्त्य गरेका छन् ।
अख्तियार दुरुपयोग अनुसन्धान आयोगले उपसभापति विजयकुमार गच्छदारसहित १ सय ७५ जनाविरुद्ध बालुवाटारको सरकारी जग्गा व्यक्तिका नाममा खरिदबिक्री गरेको अभियोगमा विशेष अदालतमा मुद्दा दायर गरेपछि कांग्रेसले आपत्ति जनाउँदै सदन बैठक अवरोध गर्दै आएको छ ।
प्रकाशित मिति: आइतबार, माघ २६, २०७६ ०८:१५