काठमाडौँ -सत्ता गठबन्धनमा आवद्ध राजनीतिक दलहरु आगामी चुनावी तालमेलका लागि कार्यदल बनाउन सहमत भएका छन् । शुक्रबार बिहान बालुवाटारमा बसेको सत्ता गठबन्धनको बैठकले उक्त निर्णय गरेको हो ।
आगामी चुनावमा सत्ता गठबन्धन एक भएर जाने निर्णय भए संगै चुनावी तालमेलबारे कार्यदल बनाउने निर्णय भएको हो। बैठकमा आगामी भदौ दोस्रो साताभित्र सिटको भागबण्डा टुंग्याउने गरी कार्यदललाई जिम्मा दिने निर्णय भएको छ । कार्यदलमा को को बस्ने भन्ने दलहरुले आन्तरिक छलफल गरेर टुंग्याउने भएका छन् ।
प्रकाशित मिति: शुक्रबार, साउन २०, २०७९ १२:२७
