काठमाडौंं। नेपाली कांग्रेसले प्रधानमन्त्री केपी शर्मा ओलीको राजीनामा माग गर्ने निर्णय गरेको छ ।
पार्टी कार्यालय सानेपामा बसेको केन्द्रीय कार्यसमितिको बैठकले ओलीको राजिनामा माग गर्ने निर्णय गरेको हो । सभापति शेरबहादुर देउवा, वरिष्ठ नेता रामचन्द्र पौडेल, नेता कृष्णप्रसाद सिटौलालगायत पदाधिकारी सम्मिलित बैठकले नयाँ सरकार गर्न गर्न पहल गर्ने निर्णय गरेको पार्टी प्रवक्ता विश्वप्रकाश शर्माले जानकारी दिए ।
बैठक बस्नुअघि ओलीको राजीनामा र नयाँ सरकार गठनबारे शीर्ष नेताहरुबीच समूहगत रुपमा अनौपचारिक छलफल भएको शर्माले बताए ।
झण्डै ६ घण्टापछि सुरु भएको बैठकमा ओलीको राजीनामा माग्ने र नयाँ सरकार गठन गर्नेबारे पहलका लागि सहमती जुटेको हो ।
प्रकाशित मिति: शुक्रबार, चैत २०, २०७७ २२:२३
