काठमाडौं । सरकारले कीर्तिमानी आरोही आङरिता शेर्पाको राष्ट्रिय सम्मानका साथ अन्त्येष्टि गर्ने निर्णय गरेको छ।
मंगलबार बिहान बालुवाटारमा बसेको मन्त्रिपरिषद् बैठकले साे निर्णय गरेको हो ।
यस्तै शेर्पाको किरिया खर्च समेत सरकारले व्यहोर्ने भएकाे छ ।
हिउँ चितुवाको नामबाट चिनिएका नेपाली पर्वतारोही आङरिता शेर्पाको ७२ वर्षको उमेरमा काठमाडौं जोरपाटीस्थित निवासमा सोमबार बिहान १० बजे निधन भएको थियो
आङरिताले १० पटकसम्म बिनाअक्सिजन सगरमाथा आरोहण गरेर विश्वरेकर्ड राखेका थिए ।
यसैगरी सरकारले आधिकारिक ट्रेड युनियनको निर्वाचन स्थगित गर्ने निर्णय गरेको छ।
सोमबार प्रदेश २ का मुख्यमन्त्री लालबाबु राउतले संघीय मामिला तथा सामान्य प्रशासन मन्त्रालयलाई पत्र पठाएर निर्वाचन रोक्न आग्रह गरेका थिए।
काेराेना महामारी, थ्रेस होल्डको विवाद र सर्वोच्च अदालतमा समेत मुद्दा विचाराधीन रहेकाले निर्वाचन स्थगित गर्न प्रदेश-२ का मुख्यमन्त्री राउतले माग गरेका थिए ।
प्रकाशित मिति: मंगलबार, असोज ६, २०७७ १३:०१
