काठमाडौं । आगामी फागुन २१ गते हुने प्रतिनिधि सभा निर्वाचनका लागि सुरक्षा रणनीति तयार गर्न आज केन्द्रीय सुरक्षा समितिको बैठक बस्ने भएको छ। दानबहादुर कार्की प्रहरी महानिरीक्षक (आईजीपी) नियुक्त भएको केही दिनमै उनी सहभागी हुने यो पहिलो सुरक्षा बैठक हो।
गृहमन्त्री ओम प्रकाश अर्यालको अध्यक्षतामा हुने बैठक आज दिउँसो ३ बजे गृह मन्त्रालयमा बस्ने गृहमन्त्रीको सचिवालयले जनाएको छ।
बैठकमा विशेषगरी निर्वाचन सुरक्षाका तयारी, जोखिम मूल्यांकन तथा आवश्यक समन्वयका विषयमा विस्तृत छलफल हुने अपेक्षा गरिएको छ।
मन्त्रिपरिषद्को कात्तिक २४ गतेको बैठकले कार्कीलाई प्रहरी महानिरीक्षकमा नियुक्त गरेको थियो।
प्रकाशित मिति: आइतबार, मंसिर १, २०८२
