काठमाडौं । मेलिना राई र बलबहादुर राजवंशीको स्वरमा रहेको गीत ‘जेल पनि सहुँला, नेल पनि सहुँला...’ सार्वजनिक भएको छ ।
रोहन पौडेल ‘जनक’को शब्द, हरि लम्सालको सङ्गीत निर्देशन, राजबाबु चौधरी÷अजय कार्कीको रेकडिस्ट र चन्द्र चौधरीको मिक्सिङ÷मास्टरिङ रहेको गीतको भिडियो सार्वजनिक भएको हो ।
लक्ष्मी बर्देवा र जीवन भट्टराईको निर्देशन रहेको गीतको भिडियोमा लक्ष्मी र जीवनलाई नै फिचर गरिएको छ । भिडियोमा स्कुलको शिक्षिका र पाले दाइको माया प्रेमलाई आकर्षक रुपमा प्रस्तुत गरिएको छ ।
दोरम्बा रामेछापको आसपासमा बनाइएको गीतको भिडियोमा पाले दाइ र शिक्षिकाबीच माया प्रेम बसेपछि जेल, नेल उस्तै परे काल पनि सहने कुरा व्यक्त गरिएको छ ।
शब्द/सङ्गीत र स्वरको सुन्दर समिश्रण रहेको गीत जति राम्रो छ गीतको भिडियो पनि त्यतिकै उत्कृष्ट बनेको छ । बुद्ध थापाको छायांकन रहेको भिडियोमा विष्णु खड्काको सम्पादन छ ।
‘यहाँहरुमाझ फेरि एउटा नयाँ कोसेली जेल पनि सहुँला लिएर आएको छु, तपाईंहरुको साथ र मायाको अपेक्षा गर्दछु’, राजवंशीले भने । यस्तै सङ्गीतकार हरि लम्सालले भने, ‘हामी सबैको मिहिनेतले एउटा राम्रो गीत र यसको भिडियो स्रोता दर्शकमाझ पस्किएका छौँ । सबैको माया पाउनेमा हामी आशावादी छौ ।’
प्रकाशित मिति: शुक्रबार, चैत ७, २०७६ ०८:३८
