काठमाडौं । राष्ट्रिय सभा अध्यक्ष नारायण प्रसाद दाहालले संसदीय समितिहरूलाई नियमित रूपमा सक्रिय भएर काम अघि बढाउन आग्रह गरेका छन्।
बिहीबार सिंहदरबारस्थित कार्यकक्षमा चार वटा विषयगत समितिका सभापति र सचिवहरूसँग छलफल गर्दै उनले यस्तो आग्रह राखेका हुन्। बदलिएको राजनीतिक परिस्थितिमा समितिहरूले अझ प्रभावकारी भूमिका खेल्नुपर्ने उनको भनाइ थियो।
छलफलमा राष्ट्रिय सभा उपाध्यक्ष विमला घिमिरे, समिति सभापतिहरू मायाप्रसाद शर्मा, तुलसा कुमारी दाहाल, कमलादेवी पन्त र सोनाम गेञ्जेन शेर्पा, राष्ट्रिय सभा सचिव डा. सुरेन्द्र अर्याल तथा समिति सचिवहरू सहभागी भएका थिए।
प्रकाशित मिति: बिहीबार, असोज २, २०८२
