काठमाडौं । सभामुख देवराज घिमिरेले संसद् विघटन नगरी संसद् भित्रैबाट समाधान खोजिएको भए देशका लागि अझ उपयुक्त हुने टिप्पणी गरेका छन्।
जेनजी आन्दोलनका क्रममा जलेको संसद् भवनको अनुगमन गर्न पुगेका उनले विघटनलाई दुर्भाग्यपूर्ण घटना बताएका हुन्। "देशमा जे–जे घटना घटे, हामीले जे व्यहोरेका छौं, यो अत्यन्तै दुखद कुरा हो। अब सबै मिलेर उठ्ने र सही ढंगले अगाडि बढ्ने जिम्मेवारी सबैको हो," सभामुखले भने।
उनका अनुसार व्यवस्थापिका, कार्यपालिका र न्यायपालिकामाथि भएका आक्रमणले गम्भीर परिस्थिति सिर्जना गरेको छ। यस्तो अवस्थामा समीक्षा गरेर देशलाई निकास दिने जिम्मेवारी अन्तरिम सरकारसँग भएको भन्दै उनले आम नागरिक, सबै क्षेत्र र सरोकारवालाको एकताबद्ध प्रयास जरुरी रहेको उल्लेख गरे।
प्रकाशित मिति: बिहीबार, असोज २, २०८२
-1757752153.jpg)
