शनिबार राति भएको खेलमा टर्कीले विश्व विजेता फ्रान्सलाई २–० ले हराएकाे छ ।
घरेलु मैदानमा टर्कीलाई जिताउन कान एहान र सेन्जिग अन्डरले गोल गरे । दुवै गोल पहिलो हाफमा सम्भव भएको थियो । कान एहानले खेलको ३० औ मिनेटमा घरेलु मैदानमा टर्कीलाई सुरुवाती अग्रता दिलाएका थिए । सेन्जिग अन्डरले ४०औ मिनेटमा टर्कीका लागि दोस्रो गोल गर्दै विश्व विजेता फ्रान्सलाई स्तब्ध बनाए ।
समुह ‘एफ’ मा टर्कीको यो युरो छनोटमा लगातार तेस्रो जित हो । जितपछि टर्की ३ खेलमा ९ अंक जोडेर शीर्षस्थानमा रहेको छ । फ्रान्स ३ खेलबाटै ६ अंक जोडेर दोस्रो स्थानमा छ ।
प्रकाशित मिति: आइतबार, जेठ २६, २०७६ ११:०५
