काठमाडौँ -नेपाली कांग्रेसका तत्कालीन नेता मात्रिका प्रसाद कोइरालाको सरकारले २०१० साल साउनमा भीमदत्तको हत्या गरेको उनको आरोप थियो । यस्तै उक्त सरकारले नेपालको जदस्रोतमाथि विदेशीको अधिपत्य जमाउने कामको सुरु पनि मात्रिका सरकारले नै सुरु गरेको उनको आरोप थियो ।
उनले २०१० साल साउन १७ गते भिमदत्तको हत्या गरेको गण्डक सम्झौता गरेको भन्दै काँग्रेसप्रति आक्रोश व्यक्त गरे । २००८ माघमा उत्तरी सीमानामा दक्षिणको छिमेकीको सेना लगेर १७ ठाउमा सैनिक क्याम्प राखियो ।
यसरी स्वाधीनताविरुद्ध हिडने काँग्रेसलाई किन प्रजातान्त्रिक भनेको ? उसको विचार, काम प्रजातान्त्रिक छैन । काँग्रेसले आफूलाई प्रजातान्त्रिक भन्छ भने आचरण देखाओस् । गोरु आफै लजाउने काम गर्छ काँग्रेस’, ओलीको भनाइ छ ।
यस्तै मात्रिकाप्रसाद कोइरालाको तत्कालीन सरकारले उत्तरी छिमेकी देशको सिमानामा दक्षिणी छिमेकीको फौज लगेर राखेको भन्दै असन्तुष्टि व्यक्त गरेका थिए । यस क्रममा उनले मात्रिकाप्रसाद कोइरालाले गरेका कुकर्म इतिहासले कहिल्यै बिर्सन नसक्ने बताए ।
'यस्ता कुकर्म कांग्रेसले सजिलै गर्छ। उनलाई लाज शरम नै छैन,' अध्यक्ष ओलीले भने । कांग्रेसले विगतदेखि नै देशभक्तमाथि दमन गर्दै आएको उनको भनाइ थियो ।
मंगलबार २५ औं तुलसीलाल अमात्य स्मृति तथा सहिद भिमदत्त पन्तको ६९ औं स्मृति दिवसका अवसरमा आयोजित कार्यक्रममा बोल्दै ओलीले दुष्ट आशय नबोकेकाहरुसँग मात्रै पार्टी एकता हुनसक्ने बताएका हुन् ।
ओलीले जनार्दन शर्मालाई अर्थमन्त्री बनाउनु सत्तारुढ गठबन्धनको निर्लज्ज काम भएको बताएका छन् । मंगलबार तुलसीलाल अमात्यको स्मृतिमा आयोजित कार्यक्रममा उनले शर्मा दोहोर्याएर अर्थमन्त्री हुँदा ‘गोरु पनि लजाएको’ टिप्पणी गरे ।‘नेपाली जनतालाई कतिसम्म हेपेको, नेपाली जनताको विवेक र नैतिक धरातलमा कत्रो हमला, गोरु पनि लजायो होला’ ओलीले भने ।
गठबन्धनसँग अर्थमन्त्री बनाउने अर्को मान्छे पनि नभएको बताउँदै उनले भने ‘यति निर्लज्ज तरिका हुन्छ ? फेरि उही मान्छे, यो गठबन्धनसँग अर्को मान्छे नै रहनेछ, कत्रो दम्भ, जे गरे पनि हुन्छ हामीले, हामीसँग बहुमत छ, लाज शरम किन मान्ने रु लोक लाज किन मान्ने ? काँग्रेसको भनाइ हो ।’
प्रकाशित मिति: मंगलबार, साउन १७, २०७९, १७:१९:००
