काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेसँग भएको वार्ता निष्कर्षविहीन भएपछि उज्यालो नेपाल पार्टीका संरक्षणक कुलमान घिसिङ आफ्नै पार्टीका नेताहरूसँग आन्तरिक छलफलमा जुटेका छन्।
शुक्रबार बिहान घिसिङ र लामिछानेबीच करिब तीन घण्टा वार्ता भएको थियो। छलफलमा सहभागी नेताहरूका अनुसार लामो संवाद भए पनि ठोस सहमति भने जुट्न सकेन।
कुलमान घिसिङको भनाइ उद्धृत गर्दै एक नेताले भने, “रविसँग बिहान लामो समय छलफल भयो, तर कुनै निचोड निस्किएन। वार्ता खासै उपलब्धिपूर्ण हुन सकेन।”
रास्वपासँगको छलफलपछि घिसिङ उज्यालो नेपाल पार्टीका अध्यक्ष अनुपकुमार उपाध्यायसहित केन्द्रीय नेताहरूसँग बैठकमा बसेका छन्। काठमाडौंको बौद्धमा जारी उक्त बैठक डेढ घण्टादेखि चलिरहेको छ। पार्टीको आगामी रणनीति र राजनीतिक अवस्थाबारे छलफल भइरहेको बताइएको छ।
प्रकाशित मिति: शुक्रबार, पुस २५, २०८२
-1766845861.jpg)
