पोखरा । नेकपा एमालेले पोखरा महानगरपालिका वडा नम्बर १८ र ३१ मा पुनः मतगणना गर्न माग गरेको छ ।वडा नम्बर १८ मा ९ मत र ३१ मा ३ मत कम भएको भन्दै एमालेले पुनः मतगणना गर्न मुख्य निर्वाचन अधिकृत कार्यालयमा निवेदन दिएको हो ।
प्रदेश कमिटी अध्यक्ष नवराज शर्माको हस्ताक्षरमा पुनः मतगणनाका लागि निवेदन दिइएको नेकपा एमाले महानगर कमिटी अध्यक्ष दिलीप न्यौपानेले जानकारी दिए ।
वडा नम्बर १८ को नतिजा आज र ३१ नम्बर वडाको नतिजा हिजो (सोमबार) आएको थियो । दुवै वडामा नेकपा एमालेका उम्मेदवार पराजित भएका छन् ।
वडा नम्बर ३१ मा १६१ मत अन्तरले नेपाली काँग्रेसका ढकनाथ कँडेल र वडा नम्बर १८ मा ३ मत अन्तरले नेपाली काँग्रेसकै शिवप्रसाद तिमिल्सिना निर्वाचित भएका छन् ।
प्रकाशित मिति: मंगलबार, जेठ १०, २०७९ १२:००
