मुख्यमन्त्री विरुद्धको अविश्वास प्रस्तावबारे ओली र प्रचण्डबीच छलफल

राजनीति

आजको न्युज सोमबार, असोज २६, २०७७, १३:१७:००

काठमाडौं । प्रधानमन्त्री निवास बालुवाटारमा सोमबार (आज ) नेपाल कम्युनिष्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल ‘प्रचण्ड’ बीच छलफल भएको छ । कर्णाली प्रदेशका मुख्यमन्त्री महेन्द्र बहादुर शाहीविरुद्ध अविश्वासको प्रस्ताव दर्ता भएपछि अध्यक्षद्वय बीच त्यसबारे छलफल भएको हो ।

एक स्रोतका अनुसार छलफलमा अध्यक्ष प्रचण्डले कर्णाली प्रदेशमा आएको विवादबारे ओलीसँग वास्तविकता के हो ? भनेर बुझ्ने प्रयास गरेका थिए । भने ओलीले विवादबारे प्रष्ट नपारेपनि आफ्नो स्वीकृतिमै अविश्वासको प्रस्ताव दर्ता गरेको कुरा भने स्वीकार गरेका स्रोतले जनाएको छ ।

भेटवार्ताका क्रममा प्रचण्डले कर्णाली प्रदेशमा आएको विवादले राम्रो सङ्केत नगरेको भन्दै त्यसलाई पार्टी नेतृत्व तहले नै मिलाउन पहल गर्नुपर्ने धारणा राखेका स्रोतले जनाएको छ । प्रचण्डको उक्त धारणाप्रति ओलीले ठोस जवाफ नदिएको बुझिएको छ ।

प्रकाशित मिति: सोमबार, असोज २६, २०७७, १३:१७:००

प्रतिक्रिया दिनुहोस्