काठमाडौं । राष्ट्रिय प्रजातन्त्र पार्टी र राष्ट्रिय प्रजातन्त्र पार्टी संयुक्तबीच एकीकरण भएपछि पहिलोपटक बसेको केन्द्रीय कार्यसम्पादन समितिको बैठकले पार्टीकाे झन्डा र चुनाव चिह्नकाे टुंगाे लगाएकाे छ ।
पार्टी एकता भएको ६ महिनापछि पार्टीकाे चुनाव चिह्नमा हलाे र झण्डामा गाई राख्ने सहमति भएकाे हाे ।
एकतालाई पूर्णता दिन सोमबार अध्यक्षत्रय पशुपतिशमशेर राणा, प्रकाशचन्द्र लोहनी र कमल थापाको बैठक बसेको थियो।
गत फागुन २४ गते राप्रपा र राप्रपा संयुक्तबीच एकताका लागि आधार पत्रमा हस्ताक्षर भएको थियो। सोही अनुसार फागुन २९ मा पार्टी एकता भएको थियो ।
एकताअघि थापा नेतृत्वको राप्रपाको चुनाव चिह्न गाई थियो भने राणा-लोहनी नेतृत्वको राप्रपा संयुक्तको चुनाव चिह्न हलो थियो।
पार्टीका १ नेताका अनुसार दल दर्ताका लागि मंगलबार नै निर्वाचन आयाेगमा जाने तयारी भएकाे छ ।
प्रकाशित मिति: मंगलबार, असोज ६, २०७७
