काठमाडाैं । सरकारले लिम्पियाधुरा, लिपुलेक, कालापानीसहितको नक्सा पारित गरेको छ ।
सोमबार प्रधानमन्त्री निवास बालुवाटारमा बसेको मन्त्रिपरिषद् बैठकले सो नक्सा पारित गरेको हाे ।
गत २ गते सरकारको नीति तथा कार्यक्रम प्रस्तुत गर्ने क्रममा राष्ट्रपति विद्यादेवी भण्डारीले लिपुलेक, कालापानी र लिम्पियाधुरा नेपालको भूमि भएको बताउँदै ती भूमि समेटेर नयाँ नक्सा जारी गरिने बताएकी थिइन् ।
साेही अनुसार परराष्ट्र मन्त्रालयको सहमति लिएर भूमि व्यवस्था, सहकारी तथा गरिबी निवारण मन्त्री पदमाकुमारी अर्यालले प्रस्ताव गरेकाे नयाँ नक्सा मन्त्रिपरिषदले पारित गरेको हाे ।
प्रकाशित मिति: सोमबार, जेठ ५, २०७७ १३:५५
