काठमाडौं । कोरोना भाइरसको संक्रमणको जोखिम कम गर्न थप सतर्कता अपनाउनुपर्ने देखिएको भन्दै राष्ट्रियसभाको बैठक अनिश्चितकालका लागि स्थगित भएको छ ।
सरकारले २५ जनाभन्दा बढी भेला नहुन निर्णय गरेलगत्तै बिहीबार राष्ट्रियसभा बैठक बसे पनि शुक्रबारबाट भने अनिश्चतकालसम्मका लागि स्थगित गरिएको हो । संक्रमणको जोखिमलाई हेरेर बैठक स्थगित गरिएको संघीय संसदका सहायक प्रवक्ता दशरथ धमलाले जानकारी दिए ।
यसैगरी प्रतिनिधिसभाको बैठक पनि एक साताका लागि सारिएको छ । शुक्रबारका लागि निर्धारित बैठक १३ गते बस्ने गरी सारिएकाे हाे ।
यसअघि बिहीबार बस्ने भनिएकाे राज्यव्यवस्था समितिकाे बैठकमा पनि २५ जनाभन्दा बढी भएपछि स्थगित गरिएकाे थियो ।
प्रकाशित मिति: शुक्रबार, चैत ७, २०७६ ०५:११