काठमाडौं । सर्वाेच्च अदालतकाे न्यायाधीश बन्ने भएपछि न्याय परिषदका सदस्य पदम वैदिकले राजीनामा दिएका छन् । वैदिकले राष्ट्रपति विद्यादेवी भण्डारीलाई राजीनामा बुझाएका हुन् ।
प्रधानन्यायाधीश चोलेन्द्र शमशेर जबराले उनलाई सर्वोच्च अदालतको न्यायाधीशका रुपमा सोमबारको बैठकमा प्रस्ताव गरेका थिए। बैठकमा कानुनमन्त्री र वरिष्ठतम न्यायाधीशले परिषदमा रहेर न्यायायाधीश सिफारिस गर्न नमिल्ने भन्दै आपत्ति जनाएका थिए ।
सर्वोच्च अदालतमा एउटा न्यायाधीश पद रिक्त छ । न्यायाधीश केदार चालिसे यही मंसिर ४ गते अवकाश भएपछि उनको ठाउँमा वैदिकलाई न्यायाधीश बनाउने गरी राजीनामा गराइएको स्रोतले जनाएको छ ।
उनलाई सरकारको तर्फबाट तत्कालीन प्रधानमन्त्री पुष्पकमल दाहालकाे पालामा २०७३ कात्तिक १९ गते न्यायपरिषद सदस्य नियुक्त गरिएको थियो ।
प्रकाशित मिति: बिहीबार, मंसिर १९, २०७६ ०७:१८
