चिनियाँ राष्ट्रपति सी जिनपिङ शनिबार नेपाल आउने

राजनीति

आजको न्युज बुधबार, २२ असोज २०७६

काठमाडौं‌: चिनियाँ राष्ट्रपति सी जिनपिङको शनिबार नेपाल आउने भएका छन् । राष्ट्रपति सी को राजकीय भ्रमण आउने शनिबार र आइतबारका लागि तय गरिएको परराष्ट्र मन्त्रालयले विज्ञप्ति निकालेर जानकारी दिएको छ ।

चिनियाँ राष्ट्रपति सी राष्ट्रपति विद्यादेवी भण्डारीको निमन्त्रणमा राजकीय भ्रमणका क्रममा नेपाल आउन लागेकाे परराष्ट्र मन्त्रालयले विज्ञप्ती निकालेर जनाएको छ ।

चिनियाँ राष्ट्रपति सीले प्रधानमन्त्री केपी शर्मा ओली र राष्ट्रपति विद्यादेवी भण्डारीसँग भेट गर्ने कार्यक्रम छ । भ्रमणका क्रममा केही दुईपक्षीय सम्झौता र समझदारीपत्रमा हस्ताक्षर हुने मन्त्रालयले जनाएको छ ।

चिनियाँ राष्ट्रपति सी जिनपिङकोस्वागतका लागि काठमाण्डौमा तयारी तीव्र पारिएको छ । सुरक्षा व्यवस्थादेखि सडक सफा गर्ने, कालोपत्रे गर्ने, पार्क बनाउने लगायतका काम धमाधम भइरहेका छन् ।

प्रकाशित मिति: बुधबार, २२ असोज २०७६

प्रतिक्रिया दिनुहोस्