काठमाडौं : २१ औ अन्तर्रास्ट्रिय आत्मसम्मान तथा आदर दिवसकाे अवसरमा उपप्रधान तथा स्वास्थ्यमन्त्री उपेन्द्र यादवले रोगीलाई सम्मान गरेर रोगलाई घृणा गर्नुपर्ने भन्दै कुष्ठरोगीलाई समाजमा पुनःस्थापना गर्नुपर्ने बताए ।
नेपालमा प्रधानमन्त्री समेत कुष्ठरोगी भइसकेकाले रोग लागेकालाई अपहेलित गर्नु कानुन विपरीत हुने उनले बताए । रोग लागेकालाई आदर र सम्मान गर्नुपर्ने बताए । कुष्ठरोगीलाई घरबाट निकाल्ने क्रम रहँदै आएकले यस्तालाई कार्बाही सँगै चेतना विस्तारमा सरकारले पहल गरिरहेको बताए । साथै कानुनी जटिलता संशाेधन गिर पनि उनले जानकारी दिए ।
आज कुष्ठरोगबाट प्रभावित भएर कुष्ठ प्रभावितहरुलाई उत्प्रेरणा दिने तथा उत्थानमा सक्रिय पाँच जना अभियान्तालाई सम्मान गरिएको छ । कार्यक्रममा सहभागी कुष्ठ प्रभावितहरुले रोगबाट लडेर जिते पनि समाजसँग हार्नुपरेको बताउँदै कानुनमा पनि विभेद रहेको बताएका छन् ।
कानुनमा सम्बन्ध विच्छेद सम्बन्धी महलमा कुष्ठरोग लागेका श्रीमान् वा श्रीमती भएमा सम्बन्ध विच्छेद दिन पाइने सम्बन्धी विषयमा आपत्ति जनाएका हुन् ।
प्रकाशित मिति: सोमबार, फागुन २७, २०७५
