बरामद भएका सामग्री जिल्ला प्रहरी कार्यालयमा सार्वजनिक गरिँदै । तस्वीर : आजकाे न्युज/भाेजपुर
भोजपुर : भोजपुर प्रहरीले लुकाएर राखेको अवस्थामा भेटिएकाे वन्यजन्तुका छाला, अंग र हातहतियार बरामद गरेको छ ।
भोजपुरको पश्चिम टेम्के मैयुङ गाउँपालिकाको वडा नम्वर २ रुमलाबाट जिल्ला प्रहरी कार्यालय भोजपुरका प्रहरी प्रमुख डीएसपी केशवकु्मार थेबेको नेतृत्वमा गएको प्रहरी टोलीले बिहीबार ती सामग्री बरामद गरेको हो ।
बरामद भएका सामग्री शुक्रबार जिल्ला प्रहरी कार्यालयमा पत्रकार सम्मेलन मार्फत सार्वजनिक गरिएको छ । डीएसपी थेबेका अनुसार टेम्के मैयुङ गाउँपालिकाको वडा नम्वर २ रुमला बस्ने निरक्ुमार भुजेलको घर खानतलास गर्ने क्रममा रातो हाब्रेको छाला जस्तो देखिने सामग्री थान एक, भालुको छाला, भालुको पन्जा, निगाले बाघको छाला र मृगको छाला एक÷एक थान एक फेला परेको छ ।
साथै भरुवा बन्दुक दुई नाल, सोमा प्रयोग हुने ब्यारोल दुई थान र कालो प्लास्टिकमा पोको पारेको अवस्थामा भरुवा बन्दुकमा प्रयोग हुने चार सय ग्राम बारुद समेत बरामद भएको प्रहरी प्रमुख डिएसपी थेबेले जानकारी दिए ।
आरोपी भुजेल भने हाल वैदेशिक रोजगारीमा गएकाले उनलाई फरार प्रतिवादीको सूचीमा राखेर कानुनी कार्बाही अगाडि बढाइने डीएसपी थेबेले जानकारी दिए ।
प्रकाशित मिति: शुक्रबार, फागुन २४, २०७५
