काठमाडाैं : हेलिकोप्टर दुर्घटनामा निधन भएका पर्यटनमन्त्री रवीन्द्र अधिकारीको नाममा अक्षय कोष स्थापना गरिएको छ ।
बुधबार कीर्तिपुरमा अनेरास्ववियू र अनेरास्ववियू क्रान्तिकारीले हेलिकोप्टर दुर्घटनामा परी निधन भएका संस्कृति, पर्यटन तथा नागरिक उड्ड्यनमन्त्री रवीन्द्र अधिकारीको स्मृतिमा आयोजित कार्यक्रममा अक्षय कोषका लागि सांसद एवं अनेरस्ववियुकी अध्यक्ष नवीना लामाले एक लाख रुपैयाँ प्रदान गरिन् ।
अक्षय कोष २० लाख रुपैयाँको बनाउने योजना रहेको सांसद लामाले जानकारी दिइन् । कार्यक्रममा अनेरास्ववियूले स्वर्गीय अधिकारीको नाममा पार्क स्थापना गर्ने घोषणा गरेको छ ।
प्रकाशित मिति: बुधबार, फागुन २२, २०७५
