काठमाडाैं : गायक सरोज कोइरालाको दोस्रो एल्बम आकृति विमाेचन गरिएकाे छ । सोमबार कमलादीस्थित नेपाल प्रज्ञा प्रतिष्ठानमा आयोजित कार्यक्रममा एल्बम सार्वजनिक भएकाे हो ।
संगीतकार शम्भुजित बाँस्कोटा, वरिष्ठ संगीतकार प्रकाश गुरुङ, संगीतकार सुरेश अधिकारी, महेश खड्का, निर्देशक नरेश पौडेल, देव नेपाल, गायक तुलसी पराजुली, गीतकार चुँडामणि देवकोटा, शान्तिप्रिय, चित्रकार, गायक तथा संगीतकार ज्योती प्रकाश र क्रियटर रुमका सञ्चालक निर्मल ढकालले संयुक्त रुपमा एल्बम विमोचन गरेका हुन् ।
सरोजकै शब्द\संगीत र स्वर रहेको एल्बममा चार वटा गीत समावेश छन् । संगीत संयोजन सुदिप सागरले गरेका हुन ।कार्यक्रममा एल्बमको दुई वटा र ७० सालमै सार्वजनिक भएको सरोजको पहिलो एल्बम सगुन को एउटा गीतको भिडियो देखाइएको थियो ।
आकृतिको मन मेरो केवल बोलको गीतमा रमेश सोडारी, माला थापा र अर्जुन कुँवरले अभिनय गरेका छन् ।त्यस्तै सासै फेर्न बोलको गीतमा चन्द्रमणि मुडवरी र शोभा पौडेल छन् । त्यस्तै सगुन एल्बमको आत्माको माया गीतमा अर्जुन कुँवर र सुक्रिया श्रेष्ठको अभिनय छ ।
मन मेरो केवल र आत्माको मायाको भिडियोलाई देव नेपालले निर्देशन गरेका छन् भने सासै फेर्न बोलको गीतलाई चन्द्रमणिले नै निर्देशन गरेका हुन् ।
हेर्नुस् भिडियाे :
प्रकाशित मिति: बुधबार, फागुन २२, २०७५
-1732776560.jpg)
