नेपाली फिल्म ‘पसिना’ को प्रमोसनल टाइटल गीत सुनौलो दरबर बोलको गीत युट्युबमा रिलिज भएको छ । गीतमा मीना पोखरेल निरौलाको स्वर छ भने अभिनेत्री छुल्ठिम डोल्मा गुरुङले ठुम्का लगाएको गीतमा राजीव समीरको कोरियोग्राफी छ ।
निर्देशक आरबी खत्री शरदको शब्द रचना रहेको गीतमा संगीत दीपक शर्माको रहेको छ । निरज कँडेलले छायांकन गरेको भिडियोलाई भरत रेग्मीले सम्पादन गरेका हुन् ।
पसिना फिल्ममा सरोज खनाल, सरोज अर्याल, रवि गिरी, ध्रुव कोइराला, शारदा गिरीलगायतका कलाकारको पनि अभिनय छ । फिल्ममा राम केसीको छायांकन, राजनराज शिवाकोटी, दीपक शर्मा र थिरज राईको संगीत, नवीन निरौलाको सम्पादन, शिव विक र राजीव समीरको नृत्य र देव महर्जनको द्वन्द्व छ ।
फिल्मले पसिना बगाएर मात्र नहुने भन्दै सत्कर्म गर्न पनि आवश्यक रहेको सन्देश दिने निर्देशक खत्रीले बताए । फिल्म ‘पसिना’ को निर्माता शान्ता ढकाल हुन् भने कार्यकारी निर्माता सञ्जय महताे हुन् ।
प्रकाशित मिति: मंगलबार, फागुन २१, २०७५
-1732776560.jpg)
