काठमाडौं । राष्ट्रिय स्वतन्त्र पार्टी (रास्वपा) ले भैरहवा र पोखरामा आयोजना गर्ने तय गरिएको ‘परिवर्तन उद्घोष सभा’ स्थगित गरेको छ।
पार्टीले शनिबार भैरहवामा र आइतबार पोखरामा सभा गर्ने पूर्वनिर्धारित कार्यक्रम सार्वजनिक गरेको थियो। उक्त सभामा सभापति रवि लामिछाने र वरिष्ठ नेता बालेन शाह ले सम्बोधन गर्ने कार्यक्रम थियो।
रास्वपाकी सहप्रवक्ता प्रतिभा रावलका अनुसार सभा दुई कारणले स्थगित गरिएको हो। पहिलो, नेताहरूको समय व्यवस्थापन मिलाउन नसकिएको अवस्था रहेको र दोस्रो, सचिवालय तहका नेताहरूबीच आन्तरिक योजना तथा गृहकार्यबारे छलफल गरी पार्टीको रणनीति तर्जुमा गर्न आवश्यक देखिएकाले हालका लागि कार्यक्रम रोकिएको हो।
स्थगित सभाको परिमार्जित तालिका भोलि सार्वजनिक गरिने सहप्रवक्ता रावलले जानकारी दिएकी छन्।
प्रकाशित मिति: शुक्रबार, फागुन ८, २०८२
