काठमाडौं । अध्यक्ष माधवकुमार नेपालले माओवादी केन्द्रसहितका पार्टीहरूसँग एकता प्रक्रियालाई अघि बढाउने निर्णय सार्वजनिक गरेपछि पूर्वप्रधानमन्त्री झलनाथ खनालले अलग बाटो लिनुपर्ने निष्कर्षमा पुगेका छन् । पार्टीको केन्द्रीय कमिटी बैठकमै आफूलाई भिन्न मत राख्न समेत अवसर नदिइएको भन्दै उनले नयाँ पार्टी गठनतर्फ अघि बढ्ने संकेत गरेका छन्।
‘एमालेविरुद्धको विद्रोहका कारण र औचित्य पुष्टि नगरी’ पार्टीलाई माओवादीतिर धकेलिएको आरोप लगाए । उनका अनुसार, यो निर्णयले पार्टीलाई प्रायः विसर्जन गर्ने दिशातर्फ लैजाने खतरा देखिएको छ।
खनालले एमालेले गरे आएको ‘घर फर्किने’ आह्वानलाई खुला मनले हेरिएको बताए । तर एमालेमा पुनः प्रवेशका लागि नीति–सिद्धान्तमा स्पष्ट सहमति आवश्यक हुने उनको धारणा छ।
नयाँ पार्टी निर्माणको दिशालाई औपचारिक रूप दिन शनिबार विभिन्न नेतासँग छलफल बस्ने तयारी गरिएको उनले बताए । यदि ‘नेकपा एकीकृत समाजवादी’ नाम या संरचना मिलेन भने, निर्वाचन आयोगमा दर्ता भएका अन्य दलहरूसँग समेत एकताको सम्भावना खोज्ने खनालको भनाइ छ।
प्रकाशित मिति: शुक्रबार, कात्तिक १५, २०८२
