काठमाडौं । जेनजी आन्दोलनका क्रममा राष्ट्रपति कार्यालय शीतलनिवासमा गरिएको तोडफोड, आगजनी र लुटपाट प्रकरणमा संलग्न रहेको आरोपमा प्रहरीले तीन युवालाई पक्राउ गरेको छ।
पक्राउ पर्नेहरूमा बैतडीको मेलौली नगरपालिका–७ का १८ वर्षीय विशाल सिंह कार्की, सुर्नया गाउँपालिका–८ का १९ वर्षीय दीपक बोहरा र बझाङको बित्थडचिर गाउँपालिका–१ का १९ वर्षीय हेमन्त बोहरा रहेका छन्। उनीहरू विरुद्ध चोरी तथा आपराधिक उपद्रवसम्बन्धी कसुरमा काठमाडौं जिल्ला अदालतमा मुद्दा दर्ता गरिएको प्रहरीले जनाएको छ।
जेनजी आन्दोलनका बेला शीतलनिवासमा भएको तोडफोड र आगजनीसँगै त्यहाँबाट सरसामान समेत चोरी भएको थियो। प्रहरीले घटनामा संलग्न युवाहरूको साथबाट राष्ट्रपति कार्यालयमा प्रयोग हुने प्रिन्टर, वाईफाई राउटर लगायतका उपकरणहरू बरामद गरिएको बताएको छ।
प्रकाशित मिति: शुक्रबार, कात्तिक १५, २०८२
