काठमाडौं । धरान उपमहानगरपालिकाका मेयर हर्कराज राई ‘साम्पाङ’ ले नयाँ राजनीतिक यात्रा सुरु गरेका छन्। उनले सोमबार निर्वाचन आयोगमा ‘राष्ट्रिय संस्कृति पार्टी’ दर्ताका लागि निवेदन दर्ता गरेका हुन्।
निर्वाचन आयोगका एक अधिकारीका अनुसार साम्पाङ आफैं उपस्थित भएर निवेदन दिएका हुन्। “पार्टी दर्ताका लागि आवश्यक कागजात बुझाइएको छ, अहिले आयोगमा ती कागजातहरू अध्ययन र रुजु गर्ने प्रक्रिया चलिरहेको छ,” अधिकारीले बताए।
साम्पाङ पछिल्लो समय स्थानीय तहको नेतृत्वबाट राष्ट्रिय राजनीति प्रवेश गर्ने तयारीमा रहेको भन्दै चर्चामा आएका थिए। पार्टी दर्ता भएपछि उनी औपचारिक रूपमा नयाँ राजनीतिक अभियानमा सक्रिय हुने अनुमान गरिएको छ।
प्रकाशित मिति: आइतबार, असोज १२, २०८२
