काठमाडौं । नेकपा एमालेका पोलिटब्युरो सदस्य महेश बस्नेतले संविधान जलाउने र लोकतन्त्र ध्वस्त पार्ने प्रयास रोक्ने दाबी गर्दै सरकारविरुद्धका केही गतिविधि ‘विदेशी फन्ट’ले सञ्चालित रहेको आरोप लगाएका छन्। शनिवार भक्तपुरको गुण्डुमा आयोजना गरिएको युवा संघ नेपालको कार्यक्रमलाई सम्बोधन गर्दै बस्नेतले यस्तो बताएका हुन्।
बस्नेतले भने — “हामी नेपालको राष्ट्रियता अपहरण हुन दिन्नौँ। संयुक्त राष्ट्रसंघका सेनादेखि कुनै विदेशीको रणभूमि बन्न दिने छैनौँ। जेनजी पुस्तालाई अन्तर्राष्ट्रिय एजेण्ट बनाएर युवालाई अपराधिक र आतंककारी क्रियाकलापमा लगाउने प्रवृत्तिलाई हामी सफल हुन दिने छैनौँ।”
उहाँले थपे, “सावधान, नेकपा एमाले छ, युवा संघ छ, कांग्रेस र लोकतान्त्रिक दलहरू छन्। हामी लोकतन्त्र मार्न दिने छैनौँ। संविधान जलाउन दिन्ने होईन। संसदीय व्यवस्था ध्वस्त हुन दिन्नौँ।”
बस्नेतले काठमाडौं महानगरपालिकाका मेयर बालेन्द्र ‘बालेन’ शाहलाई समेत लक्षित गर्दै भने कि उनीसहितका केही समूहहरूको प्रवृत्तिले मुलुकलाई अस्थिर बनाउने उद्देश्य राखेको उनको दृष्टि हो। उनले त्यस्ता गतिविधि रोक्न पार्टी र मित्रजन सक्रिय भएकाले त्यसलाई असफल बनाइने बताए।
अर्कोतर्फ, बस्नेतले केपी शर्मा ओलीको राजीनामापछि सिंहदरबार, संसद् र सर्वोच्च अदालतमा आगजनी र तोडफोड भएको दाबी गर्दै त्यसलाई ‘देशलाई एम्बुसमा पार्ने’ योजना भएको आरोप लगाए। उनको भनाइअनुसार, “उहाँले राजीनामा दिएपछि मात्र ती संस्था जलेका हुन्; त्यहाँबाट ठूलो हताहत र तोडफोड भयो — २१ जनाको हत्या भएको, एम्बुलेन्सबाट गोली चलाइएको, स्कुल पोशाकमा रहेका विद्यार्थीमाथि गोली प्रहार भएको भन्ने सुनिएको छ।”
बस्नेतले त्यस्तै रुपमा प्रहरीसँग सम्बन्धित हतियारहरु लुटिएको, हजारौं कैदी भगाइएको र सुरक्षा व्यवस्था कमजोर बनाइएको पनि आरोप लगाए। एमालेले यी घटनाको कुनै पनि प्रकारको सहमति नहुने र देशको संस्थागत अखण्डता रक्षा गर्न दृढ रहने उनले दोहोर्याए।
प्रकाशित मिति: शनिबार, असोज ११, २०८२
