काठमाडौं । प्रधानमन्त्री सुशीला कार्कीले दोस्रोपटक मन्त्रिपरिषद् विस्तार गर्दै चार नयाँ मन्त्रीलाई शपथग्रहण गराएकी छिन्। यससँगै मन्त्रिपरिषद् ८ सदस्यीय बनेको छ।
गत २७ भदौमा प्रधानमन्त्री नियुक्त भएकी कार्कीले ३० भदौमा पहिलोपटक मन्त्रिपरिषद् विस्तार गरेकी थिइन्। त्यतिबेला उनले कुलमान घिसिङ, रामेश्वर खनाल र ओमप्रकाश अर्याललाई मन्त्री बनाएकी थिइन्। सोमबार चार जना थपिएपछि विभागीय जिम्मेवारी फेरबदल पनि गरिएको छ।
प्रधानमन्त्री कार्कीले परराष्ट्र, रक्षा, स्वास्थ्यलगायत ९ मन्त्रालय आफैंले सम्हालेकी छन्। अर्थमन्त्री रामेश्वर खनाललाई संघीय मामिला तथा सामान्य प्रशासन मन्त्रालय थपिएको छ भने गृहमन्त्री ओमप्रकाश अर्यालबाट कानुन मन्त्रालय हटाइएकी छन्। कानुन मन्त्रालयको जिम्मेवारी नयाँ मन्त्री अनिलकुमार सिन्हालाई दिइएको छ।
कसलाई कुन मन्त्रालय ?
सुशीला कार्की (प्रधानमन्त्री) : परराष्ट्र, रक्षा, खानेपानी, महिला बालबालिका तथा ज्येष्ठ नागरिक, युवा तथा खेलकुद, वन तथा वातावरण, श्रम रोजगार तथा सामाजिक सुरक्षा, संस्कृति पर्यटन तथा नागरिक उड्डयन, स्वास्थ्य तथा जनसंख्या
रामेश्वर खनाल : अर्थ, संघीय मामिला तथा सामान्य प्रशासन
कुलमान घिसिङ : ऊर्जा जलस्रोत तथा सिंचाई, भौतिक पूर्वाधार तथा यातायात, शहरी विकास
ओमप्रकाश अर्याल : गृह
अनिलकुमार सिन्हा : उद्योग वाणिज्य तथा आपूर्ति, कानुन न्याय तथा संसदीय मामिला, भूमि व्यवस्था सहकारी तथा गरिबी निवारण
महावीर पुन : शिक्षा विज्ञान तथा प्रविधि
जगदिन खरेल : सूचना सञ्चार तथा प्रविधि
मदन परियार : कृषि तथा पशुपन्छी विकास
प्रकाशित मिति: सोमबार, असोज ६, २०८२
